Vorið 2007 voru ný umferðarlög samþykkt sem skylduðu bifhjólafólk til að klæðast viðurkenndum lágmarks hlífðarfatnaði.   Hvað fólst í þeim orðum var ekki búið að skilgreina og hefur nú tveimur árum síðar enn ekki verið gert.   Skv lögunum er ráðherra veitt vald til að vinna nánari skilgreiningu á því hvað viðurkenndur lágmarksfatnaður við akstur bifhjóls felur í sér.

Dagana 31.08.09 til 06.09.09 var gerð könnun meðal hjólafólks á því hvort sá hlífðarfatnaður sem er í notkun á Íslandi sé CE merktur, á sama tíma fórum við í heimsókn i nokkrar verslanir sem eru að selja mótorhjólavörur, til að kanna hvort þær vörur sem seldar eru í dag séu CE merktar.
Löng hefð er fyrir notkun hlífðarfatnaðar mótorhjólafólks á Íslandi og er mál þeirra sem td. Koma að úrvinnslu slysa að mótorhjólafólk á Íslandi sé almennt vel búið. Hluta af þessu má hugsanlega rekja til þess loftlags sem við búum við, en góður hlífðarfatnaður á það oft sammerkt að vera hlýr á sama tíma.  Þrátt fyrir þetta virðist sem CE merkingar séu ekki ofarlega í huga þegar valinn er fatnaður, enda bera mörg þeirra merkja sem almennt eru taldar til vandaðrar vöru, jafnvel frá framleiðendum sem þekktir eru í mótorsportinu sjaldnast CE merkingar.
Kannanir okkar sína að 70% þess hlífðarfatnaðar sem í notkun er ber ekki CE merkingar og að 77% þess hlífðarfatnaðar sem seldur er í mótorhjólaverslunum ber ekki CE merkingar, hins vegar er nánast allur sá búnaður sem boðinn er merktur einhverjum öryggisstöðlum svo sem DOT eða öðrum.

Sumardaginn fyrsta síðastliðinn var Landsamband Íslenskra Mótorhjólaklúbba stofnað, skammstafað LÍM. Samband þetta er ætlað að vera vettvangur þar sem allir mótorhjólaklúbbar geta komið að með sínar skoðanir á þeim málum sem snúa að mótorhjólafólki almennt. Þetta er ekki á neinn hátt félag eða klúbbur heldur vettvangur þar sem hjólamenn, sem er ört vaxandi hópur, geta fengið stuðning við málefni sem þau berjast fyrir s.s. öryggi mótorhjólamanna. Má segja að um eins konar hringborð sé að ræða þar sem allir klúbbar landsins geta sent einn forsvarsmann með sitt atkvæði. 

Föstudaginn 28 ágúst verður haldinn LÍM dagurinn á Ingólfstorgi, ætlunin er að  stefna sem flestum mótorhjólamönnum niður í miðbæ Reykjavíkur, þar sem LÍM verður kynnt. Eftir það verða tónleikar þar sem nokkrar hljómsveitir sem tengjast mótorhjóla-menningunni stíga á stokk. Þar munu spila Stormur í aðsigi, Chernobil, Þrusk og Sniglabandið. Vinsamleg tilmæli til allra klúbba, samtaka og félaga að mæta og það tímalega svo að við getum loks sýnt Íslendingum að  við hjólafólk getum staðið saman.
 
LÍM hefur opnað heimasíðu www.lim.is.

Það eru allir sammála um að ferðamannaiðnaðurinn er mjög mikilvægur og fer ört vaxandi sem tekjulind fyrir Íslenska ríkið. Mótorhjólaiðnaður er  iðnaður sem greinilega hefur verið vanmetin sem tekjustofn fyrir ríkiskassann. Honum má skipta í sex flokka: Torfærumótorhjólaflokk,   götuhjólaflokk,    mótorhjólakeppnisflokk,  mótorhjólaferðamannaflokk, ný hjól og fjórhjól. Til er greiningarflokkur hjá Hagstofu Íslands sem heitir: Vélhjólasala-Viðgerðirvélhjóla og Varahlutasala , eitt er það sem vantar inn í þessa útreikninga hjá Hagstofunni við fyrstu sýn og er það sá liður í rekstri mótorhjóla sem mest er skattlagður sem er  bensín og einnig vantar þar mótorhjóladekk. 

Á síðasta ári var gerð skýrsla um mótorhjólaiðnaðinn fyrir árið 2005. Í eftirfarandi skjali er reynt að fara svipaða yfirferð um iðnaðinn fyrir árið 2006. Eins og á síðasta ári er skjalinu skipt í sex flokka: Torfærumótorhjólaflokk,   götuhjólaflokk,    mótorhjólakeppnisflokk,  mótorhjólaferðamannaflokk, nýinnflutt hjól 2006 og fjórhjól. Til er greiningarflokkur hjá Hagstofu Íslands sem heitir: Vélhjólasala-Viðgerðirvélhjóla og Varahlutasala , eitt er það sem vantar inn í þessa útreikninga hjá Hagstofunni við fyrstu sýn og er það sá liður í rekstri mótorhjóla sem mest er skattlagður sem er  bensín og einnig vantar þar mótorhjóladekk sem er stór liður í rekstri mótorhjóla.

Árið 2005 og 2006 tók ég saman gróflega tölur um notkun og gjöld sem mótorhjólafólk greiðir í ríkissjóð. Sem fyrr er skjalinu skipt í sex flokka: 1: Torfærumótorhjólaflokk,  2: götuhjólaflokk,   3: mótorhjólakeppnisflokk,  4: mótorhjóla-ferðamannaflokk, 5: nýinnflutt hjól 2007, 6: fjórhjól.    Til er greiningarflokkur hjá Hagstofu Íslands sem heitir: Vélhjólasala-Viðgerðirvélhjóla og Varahlutasala , það sem virðist vanta inn í þessa útreikninga hjá Hagstofunni við fyrstu sýn eru þeir liðir í rekstri mótorhjóla sem mest er skattlagður sem eru  bensín,  mótorhjóladekk sem er stór liður í rekstri mótorhjóla (að meðaltali endist afturdekk undir torfæruhjólum á bilinu 800-1400 km. og á götuhjólum 4000-6000km), hlífðarfatnaður er mjög hátt skattlagður og er nú bundið í lög að klæðast hlífðarfatnaði í almennri umferð.

Frá  og með árinu 2005 hef ég tekið saman gróflega tölur um notkun og gjöld sem mótorhjólafólk greiðir í ríkissjóð. Eins og áður er skjalinu skipt í 5 mismunandi liði, en fjórhjól hafa verið færð með torfæruhjólum:    1: Torfærumótorhjólaflokk,  2: götuhjólaflokk,   3: mótorhjólakeppnisflokk,  4: mótorhjóla-ferðamannaflokk, 5: nýinnflutt hjól 2008.  

Til er greiningarflokkur hjá Hagstofu Íslands sem heitir: Vélhjólasala-Viðgerðirvélhjóla og Varahlutasala , það sem virðist vanta inn í þessa útreikninga hjá Hagstofunni við fyrstu sýn eru þeir liðir í rekstri mótorhjóla sem mest er skattlagður sem eru  bensín,  mótorhjóladekk sem er stór liður í rekstri mótorhjóla (að meðaltali endist afturdekk undir torfæruhjólum á bilinu 800-1400 km. og á götuhjólum 4000-6000km), hlífðarfatnaður er mjög hátt skattlagður og er nú bundið í lög að klæðast hlífðarfatnaði í almennri umferð. Hagstofan tekur væntanlega þessa þrjá liði (bensín, dekk og hlífðarfatnað) með hagtölum í öðrum liðum hjá sér, en ég tek þessa liði með og reyni að fá sanngjarnt meðaltal út úr því þessir liðir eru hluti af mótorhjólarekstri .

Reykjarvíkurborg og lögregla óska eftir samstarfi við bifhjólafólk varðandi umferð og akstur bifhjóla um miðborgina. Aðallega snýst þetta um hraðakstur á Sóleyjagötu og Skothúsvegi, en einnig það að mörg hjólanna eru ansi hávær. Reykjarvíkurborg og lögreglu hefur borist talsvert af kvörtunum þess efnis. Vilja þessir aðilar beina þeirri áskorun til bifhjólafólks að virða reglur um hámarkshraða og taka sérstaklega tillit til þess að margar götur í miðborginni eru íbúðagötur. Það er ekki hagur bifhjólafólks að takmarkanir verði settar á akstur bifhjóla um miðborgina, né að gripið verði til aðgerða gegn hávaða. Gaflarar skora því á allt hjólafólk sem á leið um miðborgina á hjólum að virða þessa áskorun og taka tillit til þeirra sem búa í miðborginni.

Einn af nútíma vorboðum eru ökumenn, sem þeysa um götur og vegi klæddir hlífðarfatnaði, hjálmi og tilheyrandi, sitjandi á járngrind sem á eru fest tvö hjól og mótor. Þessi lýsing á farartækinu er ekki mjög aðlagandi eða sexý. Hún er það að minnsta kosti ekki í hugum margra fyrr en því er gefið nafnið mótorhjól. Þá verður til í hugum margra sterk tilfinning sem tengist frelsi og þeirri sérkennilegu kennd að hafa malandi mótor á milli fóta sér.
En þetta frelsi má ekki vera á kostnað þess að komast heill heim. Það má ekki heldur verða til þess að skerða frelsi annarra vegfarenda til að komast leiðar sinnar slysalaust. Ökumenn bera ábyrgð á fleirum en sjálfum sér.

Í tölum slysaskráningar Umferðarstofu má sjá að mikil aukning hefur orðið á fjölda slysa á ökumönnum bifhjóla. Er þá bæði tekið saman slys á léttum bifhjólum og þungum. Í fyrra lét einn maður lífið á bifhjóli en 35 slösuðust alvarlega. Meðaltal fimm ára á undan eru 15,8 einstaklingar sem slasast alvarlega eða láta lífið á bifhjóli. 28,6% aukning á sér stað á samanlögðum fjölda alvarlega slasaðra og látinna milli áranna 2007 og 2008.